Uitsaaines het sopas 'n splinternuwe Radiostasie gestig vir Kinders, genaamd Asjas Afrikaanse Kinder Radio. Die doel daarvoor is om ons kinders in die buiteland veral, nie te vervreem van Afrikaans nie. Dus, waar jy jou ookal mag bevind, indien jou kinders besig is om Afrikaans as hul moedertaal te verloor as gevolg van hul omgewing, laat hulle gerus na Asjas Afrikaanse Kinder Radio luister. Jy kan dit kry by www.asjas.co.za

NUUSFLITS!!

 

Ons het intussen dit uiteindelik reggekry om 'n plaaslike SA landlyn te bekom om oproepe na die Ateljee te kan neem. Op sommige programme gaan ons nou dat luisteraars ook kan inbel, met boodskappe, soos op Maandae aande se versoek program om 21:00.

Die nommer in die ateljee is 087 941 6088 plaaslik in SA, of +27 87 941 6088 as jy vanaf 'n ander land wil inskakel na die ateljee.

Vir meer inligting oor ons lewendige program inhoud vandag op Uitsaaines, besoek gerus ons program blad. Die skakel soontoe is heelbo aan die webblad, onder die opskrif "Programme". Die hele week se programme kan daar in een oogopslag besigtig word. Lewer gerus ook julle kommentaar op programme op die webblad.

Welkom by die enigste onafhanklike Afrikaanse Radiostasie op die Internet, jou gunsteling in Afrikaans, Uitsaaines Live!! Ons saai uit, wereldwyd, op 'n internet lyn naby jou, so, skakel in, en geniet Afrikaans, Afrikaanse musiek, en Afrikaanse programme, met jou skoene uitgeskop, verkieslik 'n glimlag op jou gesig, en jou liefde vir Afrikaans op die voorpunt, kan jy nou in weelde ontspan, en inluister. Uitsaaines Live is nou amper drie jaar oud, en is die inisiatief van Kraaipromosies, wat daarop uit is om onbekende Afrikaanse kunstenaars te help met 'n hupstoot. Daarom sal jy ook na musiek kan luister op Uitsaaines Live, wat jy nie normaalweg op jou konvensionele radiostasie gaan hoor nie.

Uitsaaines Live behoort aan sy luisteraars, en word op die oomblik privaat gefinansier deur Kraaipromosies, asook hier en daar 'n borg of donasie wat van die luisterpubliek ontvang word. Die langtermyn plan is natuurlik om meer adverteerders te werf, wat gaan beteken dat ons Uitsaaines Live gaan uitbou tot jou Afrikaanse radiostasie van die toekoms. Hierdie is maar net die begin. Ons omroepers, of program aanbieders, bestaan uit mense vanoor die hele aardbol. Kyk gerus na hulle op die omroepers blad, leer hulle ken, en ondersteun hulle met jou terugvoer. Die amptelike radio se kletskamer is baie gewild, en dit is ook hier waar baie van die luisteraars bymekaarkom om mekaar beter te leer ken. Gaan maak daar 'n draai, teken in, en gesels saam. Tydens lewendige radioprogramme, kan julle ook met die omroeper, of program aanbieder daar gesels. Baie van die kunstenaars wie se musiek op Uitsaaines Live gespeel word, is ook partykeer daar, en jy kan dan ook sommer dalk jou gunsteling kunstenaar so ontmoed. Hierdie webblad, word onderhou deur die eienaars van Kraaipromosies.co.za, Goggaweb.com, Posbus.com, Afrikaansnet.co.za, en Loer, die Afrikaanse soekenjin.