Ons het 50 US Dollars om weg te gee.... ho ho ho.....!!

Staan die kans om 50 US Dollars te wen met die komplimente van Pendle Pro.

Raai net watter liedjie die top treffer van 2008 op Uitsaaines is.

Stuur 'n epos met jou antwoord voor of op 31 Desember 2008 na Pendlepro om in aanmerking vir die prys te kom.

Skakel dan in op 1 Januarie 2009 om 10 namiddag Suid-Afrikaanse tyd, op die Uitsaaines top 20 treffers vir 2008 om te hoor of jy die gelukkige wenner is. As daar meer as een korrekte inskrywing is, sal 'n gelukkige wenner se naam getrek word.

Let asseblief daarop dat oorsee se deelnemers aan die kompetisie, oor 'n wettige PayPal rekening moet beskik, omdat die prysgeld slegs via PayPal aan oorsee se wenner betaal sal kan word. As die wenner in SA is, sal die waarde in Rand uitbetaal word in die wenner se bankrekening.

WAT SE DIE DOKTER KOMPETISIE

Daar sal vir die volgende 10 weke elke week een vraag gevra word oor die spesifieke weeklikse onderwerp.



Sodra jy al 10 jou antwoorde het stuur jy dit in na : watsediedokter@posbus.com



Die eerste korrekte inskrywing wat getrek word, sal 'n pragtige noodhulptas met inhoud ter waarde van $80.00 wen.

WAT SE DIE DOKTER word op Maandae 19-20 en Saterdae 20-21 uur s.afrikaanse tyd uitgesaai.



Onthou dus om in te skakel Maandae en Saterdae. Sodoende sal jy nie uitmis op enige van die vrae nie. En natuurlik onthou om mooi te luister want al die vrae gaan handel oor die onderwerp wat bespreek is die spesifieke week. Vandag word die eerste vraag gevra. Voorspoed en Sukses.

100.00 US is elke maand op die spel!

Elke derde week van die maand skop ons splinternuwe luisteraars kompetisie af waarin jy 'n hele 100 US Dollars kan wen. (Ongeveer R 750.00 ZAR) met komplimente van UITSAAINES.Die bedrag sal wissel wat oorbetaal word in jou land se denominasie afhangende van wisselkoerse.

Maak seker jy luister na die volgende programme gereeld, en neem deel in die derde week van die maand aan die kompetisie om die kontant te kan wen.

Donderdag in "Kuier Lukraak met Jacques" tussen 12:00 en 13:00 SA Tyd.

Donderdag in "Waar in die Wereld" met Raymond tussen 21:00 en 22:00

Hoe die kompetisie werk.

Ons skop af elke 3de week met 'n vars 100 dollar noot in Saterdag Joernaal, waarin Dagilli sy kompetisie vraag sal vra. Indien niemand die prys gewen het nie, sal Jacques op die daaropvolgende Donderdag in sy program ook 'n vraag aanbied waar jy weer 'n kans sal kry om daardie 100 dollars te wen. Indien niemand dit in Jacques se program kon wen nie, sal Raymond die 100 dollars later die aand aanbied om gewen te word in sy program. Indien daar geen wenner was op enige van hierdie 3 programme nie, sal die 100 dollars oorstaan tot volgende maand, waar die prys dan 200 dollars sal wees, en dieselfde paadjie sal volg as hierbo. Dus, as daar nie wenners is nie, word die 100 dollars elke maand net meer en meer, en die prys dus meer aanlokliker, totdat iemand dit wen. Sodra 'n prys gewen is, begin ons weer van voor af met 100 dollars.

Let wel, dat geen Omroepers (DJ's) van Uitsaaines, of hulle naaste familie in aanmerking sal kom vir hierdie prys nie. (Jy mag wel deelneem vir die lekker daarvan) Hierdie prys sal dus slegs aan legitieme luisteraars wat deelgeneem het, toegeken word, met komplimente van UITSAAINES.

Ons luisteraars is wenners omdat hulle ingeskakel is op UITSAAINES