Jaco, wat as een van die land se beste stemme beskryf is, het grootgeword in 'n hegte musikale familie. Sy ouers was getroud 'n week nadat hulle mekaar ontmoet het en het die spreekwoordelike "gelukkige" liefdes lewe geleef. Sy pa, wat sy grootste kritikus en ondersteuner was, het 'n hartaanval gehad en is oorlede op' n toer bus terwyl hy sy vrou se hand vasgehou het.
Op die ouderdom van 7, sing Jaco die vroulike hoofrol van die The King and I, terwyl n aktrise die rol op die verhoog uitgebeeld het, het Jaco aan die kant van die verhoog gesit en sing! Die media het hom aanbid en noem hom 'n klein nagtegaal. Teen die ouderdom van 12, sluit Jaco by die Drakensberg Seunskoor aan en toer saam met die wêreld beroemde koor deur Suid-Afrika, Namibië en Malawi tot op die ouderdom van 15 . As 'n 12-jarige seun, sing hy by die opening van die Maharani Hotel in Durban.
Gedurende Jaco se hoërskoolloopbaan in Nelspruit, word hy onderig in sang deur Isabel Eybers en verdien verskeie sertifikate van die Universiteit van Suid-Afrika. Sy warm en kragtige stem verseker sy gewildheid en verseker hom 'n paar A++ sertifikate by jaarlikse Eisteddfods. Jaco se skoolloopbaan eindig op 'n hoë noot toe hy met n prestasie toekenning in sang vereer word .
Jaco bestudeer Opera onder Emma Renzi en sing vir twee jaar professioneel opera. Dit sluit onder andere die hoof tenoor-rolle in Le Nozzi di Figaro, Bastien und Bastienne en die Tower fluit in. Hy het ook solo-uitvoerings gegee as Liriese Tenoor. Jaco het gou besef dat daar min toekoms vir 'n opera-sangloopbaan in Suid-Afrika is, en begin om ballades te sing. Hy het sy debuut op SABC TV met Casper de Vries gemaak en sy eerste enkel CD is opgeneem deur Vandor platemaatskappy. Na 'n paar jaar se hiatus, is Jaco gereed om sy ongelooflike talent weer met die mense van Suid-Afrikaanse deel. Geskryf deur Liezl Thom
Jaco is tans ook deel van Uitsaaines se Amptelike Top 10 waar hy goeie vordering maak deurdat sy aanhangers hom baie goed ondersteun op die radiostasie.
Steve Hofmeyr het natuurlik geen bekendstelling nodig op Uitsaaines nie, ons is seker daarvan dat al ons luisteraars presies weet wie hy is, wat hy doen, waarom hy alweer in die moeilikheid is, (veral as jy ook Huisgenoot lees) en dan, die eintlike rede waarom ons hom almal ken, natuurlik, vir sy musiek! Steve is een van die gewildste sangers, musiekante, en kunstenaars vir Afrikaans. Dan skryf die man boonop ook boeke en is akteur, om nie eers te praat van wat hy oor die algemeen beteken vir Afrikaans as taal nie.
Jakkie Louw (gebore 20 Mei 1979 te Oudtshoorn) is 'n Suid-Afrikaanse sanger en liedjieskrywer. Hy is bekend vir treffers soos Drie Pikkewyne, Bamboesbos en Gemaak in SA.Hy het 15 van die 18 liedjies op sy nuwe album, Gemaak in SA, self geskryf. Jakkie sê hy sal dit nie eens oorweeg om ter wille van internasionale roem te emigreer nie. Soos die titelsnit van sy nuwe CD sê: Hy’s ‘‘gemaak in SA’’!
Sedert dié bekroonde trio Johrné, Jaco en Lienka , oftewel ddisselblom se ontstaan in 2002, en die onvergeetlike treffers Nikotien & Kafeïen, Goud en Marog en Kiepie en Kandas, het elkeen van die lede ook as solokunstenaars bekendheid verwerf: Johrné onder meer as gewilde en bedrywige compère; Lienka as solo-sangeres en Jaco as akteur, veral bekend om sy spel in Villa Rosa. Nou is die trio terug op CD. Die album dra die stempel van musikale integriteit: gesond kommersieelgerig en gepoets met briljante liedjies, meevoerende orkestrasie en vokale suiwerheid.
Nianell is 'n Suid-Afrikaanse sangeres en liedjie skrywer wat in Omaruru in Namibië gebore is. Haar regte naam is Sonia Nel. Sy het internasionale bekendheid verwerf met treffers soos "Who Painted The Moon" en "Angel tongue". Van haar Afrikaanse treffers sluit in Magaliesburgse Aandlied en Sal jy onthou.
